Kamerieri i sallës së lokalit punon në mjedise dhe nivele të ndryshme të strukturës së hotelerisë. Organizon sistemimin e sallës së ngrënies dhe të tavolinave, mirëpret klientët dhe i shoqëron në tryeza, prezanton menunë dhe listën e verërave dhe jep këshilla për kombinimet e mundshme me pjatat. Merr porositë dhe menaxhon shërbimin e tavolinave, duke u siguruar që klientët të mbetet të kënaqur. Kur është e nevojshme realizon recetat e kuzhinës në praninë e klientit (prerja e mishit ose peshkut). Dërgon faturën të klientët dhe pranon pagesën. Në rastet e pritjeve dhe bufe ai bën përgatitjet e nevojshme dhe merr pjesë në shërbim. Ai kujdeset për sistemimin e sallës si dhe për pastrimin dhe rregullimin e tryezave dhe karrigeve pas përdorimit.

Kamerieri duhet të jetë në gjendje të sistemojë dhe të rregullojë sallën dhe tavolinat e sallës dhe këtu përfshihen këto veprimtari: shtron tavolinat duke mbajtur parasysh rezervimet dhe menunë, pastron tryezat duke hequr mbulesat dhe pecetat, vendos tryezat dhe karriget në pozicionin e tyre të zakonshëm, pastron sallën duke zbatuar procedurat e duhura të shëndetit dhe higjienës. Kamerieri duhet të jetë ne gjendje të kryejë shërbimin e restorantit dhe këtu përfshihen këto veprimtari: shërben verërat, përcjell porositë, u përgjigjet kërkesave të klientëve gjatë konsumimit të ushqimit (porosi të tjera për pije, ose pjata të tjera, kërkesë për informacion mbi përgatitjen e pjatave ose mbi kuzhinën tradicionale…), përshtat teknika të ndryshme shërbimi bazuar në menunë dhe llojin e strukturës mikpritëse. Kamerieri duhet të jetë në gjendje të mirëpresë klientët e restorantit dhe këtu përfshihen këto veprimtari: verifikon rezervimet, pret klientët dhe i shoqëron në tryezë, prezanton menunë dhe rekomandon verërat, duke u përgjigjur kërkesave të klientëve, mban shënim komentet e klientëve dhe menaxhon ankesat, mban shënim në mënyrë të organizuar porositë e pjatave dhe pijeve, përcjell porositë në kuzhinë, në banak dhe në arkë.

Rregullat e përgatitjes së sallës së restorantit, rregullat e pozicionimit të tavolinave, elementë të kulinarisë, elementë të enologjisë, elementë të higjienës mjedisore, elementë të higjienës në punë, përbërësit për dekorimin e pjatave, përdorimi i materialeve për dekorimin e tavolinave (mbulesa tavoline, peceta, takëmet e të ngrënit, etj.), organizimi i kuzhinës, organizimi i shërbimit të barit, produktet e pastrimit dhe të dezinfektimit, teknikat e shërbimit të sallës, teknikat e pritjes së klientëve, llojet e pijeve.

Të zbatojë kriteret për rregullimin e tryezave dhe sallave. Të zbatojë teknikat për shtrimin dhe përgatitjen e tryezës. Të zbatojë rregullat e shërbimit të sallës. Të zbatojë teknikat e plotësimit të porosive. Të zbatojë teknikat e dekorimit të pijeve dhe ushqimeve. Të zbatojë teknikat për shërbimin e ushqimeve dhe pijeve. Të zbatojë rregullat për shërbimin e verës. Të përdorë instrumentat për shërbimin e pjatave. Të zbatojë rregullat dhe kriteret për kombinimin e ushqimit dhe pijeve. Të zbatojë teknikat e komunikimit efektiv. Të zbatojë teknikat e ndërveprimit me klientët. Të zbatojë parimet e higjienës dhe të sigurisë.

Puna e kamarierit zhvillohet në hotele, bare, restorante, mensa ose me vetëshërbim. Kontratat që zakonisht zbatohen për këtë pozicion hyjnë në kategorinë e punësimit me kohë të plotë ose pjesshme, me afat ose me kohë të pacaktuar. Ai gjithashtu ushtron veprimtarinë e tij brenda një grupi pune, duke ndërvepruar me drejtuesin, kuzhinierin dhe kamerierët e tjerë. Shumë herë, puna e kamerierit zhvillohet në mjedise të mbushura me njerëz dhe në hapësira të ngushta. Oraret e punës ndryshojnë në varësi të llojit të organizimit të klientelës dhe të sezonit. Kamerierit i kërkohet gatishmëria për të punuar jashtë orarit dhe me turne (oraret e mbrëmjes dhe gjatë festave).