Zootekniku merret me studimin e një shumëllojshmërie të gjerë të kafshëve dhe mjediset që ndikojnë në zhvillimin dhe mirërritjen e tyre, në habitatin e tyre natyral ose në kushte aktiviteti, si kopshte zoologjike ose akuariume. Ai/Ajo studion origjinën dhe zhvillimin e specieve, që nga organizmat njëqelizor deri te kafshët shtëpiake, bagëti ose kafshë të egra, studion sjelljet, zakonet dhe ndërveprimet e tyre, mënyrën e ushqimit, gjithashtu kryen kërkime mbi zhvillimin dhe llojet e sëmundjeve të tyre.

Kryejnë identifikimin, klasifikimin, regjistrimin dhe monitorimin e kafshëve, si dhe tëkarakteristikave, sjelljes dhe habitateve të llojeve të ndryshme të tyre; Ndërmarrin kërkime në laboratorë dhe në terren për të rritur njohuritë shkencore mbi kafshët; Interpretojnë informacionet duke përdorur procedura komplekse si: analizë molekulare dhe qelizore e kompjuterizuar, fertilizimin vitro, etj.; Kryejnë zhvillimin dhe testimin e barnave të reja; Studiojnë mostrat e mbledhura për të përcaktuar origjinën, zhvillimin, formën e tyre kimike dhe fizike, strukturën, përbërjen dhe proceset jetësore dhe riprodhuese; Kryejnë hartimin dhe kryerjen e eksperimenteve dhe testeve për kafshë të ndryshme për të zgjidhur problemet praktike që lidhen me to; Ekzaminojnë kafshët duke përdorur një shumëllojshmëri pajisjesh, instrumentesh, teknologjish dhe teknikash të specializuara; Hartojnë dhe kryejnë projekte kërkimore dhe analizim të dhënash; Sigurojnë mirëqenien dhe mirërritjen e kafshëve në ambiente të mbyllura apo në parqe zoologjike; Kryejnë kontrolle për sëmundje dhe parazitë për kafshët dhe harton metoda për parandalimin ose shërimin e tyre; Bashkëpunojnë me punonjësit e kopshtit zoologjik, veterinerët, biologët detarë, biologëve të tjerë apo studiuesve të kafshë të egra për të menaxhuar, siç duhet, popullatat e kafshëve që jetojnë në vende të mbyllura dhe në ambiente të hapura; Komunikojnë me profesionalizëm me eprorë, kolegë dhe të tjerë; Mbikëqyrin punën e punëtorëve mbështetës dhe personelit tjetër; Zbatojnë rregullat e sigurisë së shëndetit në punë dhe të mbrojtjes së shëndetit

Të njohë mirë legjislacionin e fushës. të këtë njohuri të mira lidhur me sjelljen / menaxhimin e kafshëve, biologjinë, farmakologjinë, fiziologjinë dhe toksikologjinë. Të sigurojë një nivel të lartë të mirëqenies së kafshëve dhe të punojë për të përmirësuar cilësinë e jetës për kafshët laboratorike; Të monitorojnë gjendjen e kafshëve dhe njohin dhe zgjidhin çdo problem të sjelljes Të kryejë plotësimin dhe ruajtjen e dokumentacionit, në formatin fizik dhe elektronik; Të komunikojë me profesionalizëm me eprorë, kolegë dhe të tjerë.

Zootekniku angazhohet në kuadrin e marrëdhënieve kontraktuale me punëdhënësin apo mund të vetëpunësohet.