Fizioterapistët ndihmojnë njerëzit të shërohen nga dëmtimet e marra nga ndërhyrjet kirurgjikale, sëmundje të ndryshme, plakja ose paaftësi të caktuara. Ata udhëzojnë pacientët të përmirësojnë forcën dhe lëvizshmërinë e tyre dhe të parandalojnë problemet e mëtejshme në të ardhmen. Fizioterapistët punojnë për të diagnostikuar shkaqet e dëmtimit dhe të përgatisin një plan trajtimi, ndonjëherë duke përfshirë ushtrime, terapi manuale dhe elektroterapi (përdorimi i energjisë elektrike si një trajtim mjekësor). Ata gjithashtu këshillojnë për menaxhimin sëmundjeve në kushte afatgjata.

Vlerësojnë pacientët ose klientët për të përcaktuar natyrën e çrregullimit, sëmundjes ose problemit; Zhvillojnë dhe zbatojnë plane të trajtimit dhe vlerësimin e progresit të pacientëve duke bërë dhe dokumentimin e tyre; Diagnostikojnë dhe trajtojnë lëndime dhe keqformime të ndryshme; Kryejnë magazinimin, ruajtjen, përzierjen, testimin dhe shpërndarjen e produkteve mjekësore dhe këshillime mbi përdorimin e duhur dhe efektet negative të tyre; Kryejnë trajtime fizioterapie për të përmirësuar apo rivendosur funksionet motorike të njeriut, maksimizuar aftësinë e lëvizjes, lehtësimin e sindromave të dhimbjes; Këshillojnë individë apo organizata për të rritur ndikimin e ushqimit dhe të ushqyerit e shëndetshëm të tyre; Këshillojnë pacientët apo klientët në lidhje me trajtimin e vazhdueshëm dhe ofrimin e k e shërbimeve të rehabilitimit; Bashkëpunojnë me profesionistë të tjerë të shëndetit për dhënien e një shërbimi të specializuar; Komunikojnë me profesionalizëm me eprorë, kolegë dhe të tjerë; Zbatojnë rregullat e sigurimit teknik dhe të mbrojtjes së mjedisit.

Të njohë mirë legjislacionin shqptiar dhe atë ndërkombëtar Te këshillojnë pacientët për një mënyrë jetese të shëndetshme; Të japë udhëzime të qarta dhe të krijojnë marrëdhënie besimi me pacientët për t'i inkurajuar ata të punojnë drejt shërimit; Të shpjegojë çështje komplekse mjekësore në mënyra që pacientët mund t'i kuptojnë lehtësisht. Të komunikojë qartë me punonjësit e tjerë të kujdesit shëndetësor, të afërmit dhe kujdestarët e pacientëve; Të menaxhojë dhe organizojë siç duhet kohën; Të demonstrojë aftësi për zgjidhjen e problemeve; Të kryejë plotësimin dhe ruajtjen e dokumentacionit, në formatin fizik dhe elektronik; Të komunikojë me profesionalizëm me eprorë, kolegë dhe të tjerë;

Fizioterapisti angazhohet në kuadrin e marrëdhënieve kontraktuale me punëdhënësin apo mund te vetepunesohet. Orari i punës aplikohet në në përputhje me kodin e punës. Kohëzgjatja nomale e javës së punës është 40 orë duke përfshirë punën në mbrëmje dhe fundjavë. Punëdhënësi mund të kërkojë kryerjen e orëve shtesë të punës, por jo më shumë se 200 orë në vit.